raqs-e-bismil ki mere dil ko ada bhi aae
mujh se bichhaDo to taDapne ka maza bhi aae
aalam-e-habs hai kuchh ThanDi hawa bhi aae
yaad aise mein teri koi wafa bhi aae
chand lamhon ko haTa apni ana ke parde
khiDkiyan khol to kuchh taza hawa bhi aae
ab kahan se tumhein lauTaen tumhaare wo KHutut
hum to kab ka unhen dariya mein baha bhi aae
Ghazal
Raqs-e-bismil ki mere dil ko ada bhi aae
Javed Naseemi