Qarib aa ke bhi ek shaKHs ho saka na mera

qarib aa ke bhi ek shaKHs ho saka na mera
yahi hai meri haqiqat yahi fasana mera

ye aur baat ki mujh ko na mil saka ab tak
tere jahan mein kahin hai sahi Thikana mera

charagh kahne laga phir hawa ke jhonke se
ye ehtimam to ai dost hai tera na mera

so ab tu bazm-e-tamanna mein tairana chahak!
tere dimagh pe halka sa bojh tha na mira?

abhi to gunj rahe hain badan mein shoale se
abhi to KHam hai andaz-e-ashiqana mera

kahan majal ki marzi se phaDphaDa bhi sukun
qafas-misal hai 'aslam' ye aashiyana mera