qais wo natawan-e-sahra hai
kalbud nistan-e-sahra hai
aatish-e-ishq se hai sina garm
jalwa-e-barq jaan-e-sahra hai
tere diwana ke liye zanjir
mauj-e-rang-e-rawan-e-sahra hai
gham mein kis shoala-ru ke dud-e-ah
aatish-e-dudman-e-sahra hai
hai jo farhad dawati-e-koh
qais bhi mehman-e-sahra hai
haif paik apna rah-ghalat-karda
taza chashm-e-rawan-e-sahra hai
hai har ek harf chashm-e-ghul 'waqar'
is ghazal mein bayan-e-sahra hai
Ghazal
Qais wo natawan-e-sahra hai
Kishan Kumaar Waqaar