qadr ki raat baDi pyari hai
din isi rain ka darbari hai
meri aawaz pe murki murki
lahn-e-daud ki sardari hai
rang laegi ye ek din aaKHir
meri fariyaad bhi pichkari hai
us babar-mard ki allah re qaza
jis pe allah ne raza wari hai
tur bijli ki jawan-sal kaDak
nur ki reshmin kilkari hai
dagh kahte hain jise kamle kawi
wo to iman ki chingari hai
Ghazal
Qadr ki raat baDi pyari hai
Sher Afzal Jafri