pile pile chehron mein ubhri hai aaj ki sham
kar sakta hun kyunkar main ye sham tumhaare nam
sail-e-zaman mein Dub gae mashhur-e-zamana log
waqt ke munsif ne kab rakkha qaem un ka nam
shohrat-e-am mein zarrin tamghe the dil ki taskin
lekin qabr ke katbe par kab darj hue inam
jashn-e-murawwat mein logon ki unchi uDi patang
marg-e-murawwat mein un sab ka 'anwar' roya nam
Ghazal
Pile pile chehron mein ubhri hai aaj ki sham
Anwar Sadeed