pi ke kar leta hun tauba jab se ye dastur hai
dil bhi raushan hai mera munh par bhi mere nur hai
aah karta hun to barham ke liye hote ho tum
dard-mandan-e-mohabbat ka yahi dastur hai
ghair se milne ke shikwe par qayamat Dha gaya
un ka ye kahna ki dil se aadmi majbur hai
main sawal-e-wasl kar ke us ada par miT gaya
hans ke farmaya ki ye darKHwast na-manzur hai
hashr mein allah se fariyaad un ke zulm ki
ai 'rasa' ye baat to shart-e-wafa se dur hai
Ghazal
Pi ke kar leta hun tauba jab se ye dastur hai
Rasa Rampuri