phir wahi be-dili phir wahi mazarat
bas bahut ho chuka zindagi mazarat
KHud-kalami se bhi ruTh jati hai tu
ab na bolunga ai KHamushi mazarat
dhup Dhal bhi chuki sae uTh bhi chuke
ab mere yar kis baat ki mazarat
dad be-dad mein dil nahin lag raha
dosto shukriya shaeri mazarat
be-KHudi mein KHudai ka dawa kiya
ai KHuda dar-guzar ai KHudi mazarat
tujh se guzri hui zindagi mang li
rabb-e-imroz-o-farda-o-di mazarat
ek nazar us ne dekha hai 'asim' chalo
dur hi se sahi ho chuki mazarat
Ghazal
Phir wahi be-dili phir wahi mazarat
Liyaqat Ali Aasim