nazar nazar se mila kar kalam kar aaya
ghulam shah ki ninden haram kar aaya
kai charagh hawa ke asar mein aae the
main ek jugnu ko un ka imam kar aaya
ye kis ki pyas ke chhinTe paDe hain pani par
ye kaun jabr ka qissa tamam kar aaya
utarti sham ke sae bahut malul se the
so ek shab main wahan bhi qayam kar aaya
ye aur baat mere panw kaT gae lekin
main shahrah ko ek rah-e-am kar aaya
karun kalam kisi aur se main kya 'tariq'
ki apne lafz to sab us ke nam kar aaya
Ghazal
Nazar nazar se mila kar kalam kar aaya
Tariq Qamar