nazar ki wusaton mein kul jahan tha
zamin se dur kitna aasman tha
meri kashti bhanwar mein Dub jati
hawa ki mad pe lekin baadban tha
main us ki harf-giri kar na paya
wo meri zindagi ka raazdan tha
tujhe pa kar tujhe khoya hai hum ne
yahi to zindagi ka imtihan tha
wahi gum ho gaya raste mein shayad
jo rahbar tha jo mir-e-karwan tha
Ghazal
Nazar ki wusaton mein kul jahan tha
Abdul Mannan Samadi