namaz laDki mohabbat KHuda zaruri hai
kisi bhi chiz ka nashsha baDa zaruri hai
bahut zaruri hai us ka har ek pal hansna
mujh aise habs-zada ko hawa zaruri hai
tumhaare waste rakkha hai Tal kar KHud ko
ab us ke baad tumhein aur kya zaruri hai
ab us ki aur meri chah mein tazad hai dost
mujhe charagh use aaina zaruri hai
judai itni zaruri hai jitni tum chaho
hamare waste sabr-o-raza zaruri hai
Ghazal
Namaz laDki mohabbat KHuda zaruri hai
Waseem Tashif