nafas nafas iztirab mein tha
main halqa-e-sad-itab mein tha
sabhi nazare nazar mein gum the
ki sara manzar hijab mein tha
paDha to kuchh bhi na hath aaya
likha bahut kuchh kitab mein tha
lahu ki aahaT pe chaunk uTTha
wo muddaton jaise KHwab mein tha
dilon mein raushan nai kahani
purana qissa kitab mein tha
bas ek hunar tah-ba-tah munawwar
bas ek suKHan intiKHab mein tha
main us ki KHushbu mein gum tha 'aKHtar'
wo mere gham ke hisab mein tha
Ghazal
Nafas nafas iztirab mein tha
Sultan Akhtar