nala-e-dil ki to kotahi nahin
par asar kuchh us ko hota hi nahin
kitna wo qatil hai be-KHauf-o-KHatar
tegh-e-KHun-aluda dhota hi nahin
us gali mein jis tarah rota hun main
us tarah to koi rota hi nahin
KHar-zar-e-ishq ko kya ho gaya
panw mein kanTe chubhota hi nahin
tark ki lazzat se waqif kaun hain
gar na hota jaan khota hi nahin
jaanta gar dil hai mazra yas ka
tuKHm-e-ummid is mein bota hi nahin
jon suKHan aata hai silk-e-nazm mein
yun koi moti pirota hi nahin
KHwab mein 'joshish' wo aae kis tarah
aashiq-e-be-tab sota hi nahin
Ghazal
Nala-e-dil ki to kotahi nahin
Joshish Azimabadi