na to KHauf roz-e-jaza ka ho wahi ishq hai
na malal radd-e-dua ka ho wahi ishq hai
main hun aaina tera aks hai meri ruh mein
koi daera na ana ka ho wahi ishq hai
nahin aarzu meri aarzu ko sune KHuda
asar aarzu mein bala ka ho wahi ishq hai
na hon KHwahishen na gila koi na jafa koi
na sawal ahd-e-wafa ka ho wahi ishq hai
Ghazal
Na to KHauf roz-e-jaza ka ho wahi ishq hai
Ameeta Parsuram ‘Meeta’