na tha dil hamara kabhi gham se waqif
magar ab hua aap ke dam se waqif
ye batlao hum ko bhi pahchante ho
hamein kya jo ho sare aalam se waqif
abas aati hai roz ghar ghar ke badli
nahin kya mere dida-e-nam se waqif
unhen haal-e-dil kis tarah likh ke bhejen
na hum un se waqif na wo hum se waqif
dikhaya asar aah ne apni 'anjum'
ki hote chale hain wo ab hum se waqif
Ghazal
Na tha dil hamara kabhi gham se waqif
Mirza Asman Jah Anjum