na hone ka guman rakkha hua hai
ki hone mein ziyan rakkha hua hai
zamin ke jism par qabren nahin hain
KHayal-e-raftagan rakkha hua hai
sar-e-mizhgan mere aansu nahin hain
suluk-e-dostan rakkha hua hai
yahan jo ek charagh-e-zindagi tha
na jaane ab kahan rakkha hua hai
ye duniya ek tilism-e-ab-o-gil hai
yahan sab raegan rakkha hua hai
Ghazal
Na hone ka guman rakkha hua hai
Kashif Husain Ghair