na hum mahw-e-KHayal abru-e-KHam-dar sote hain
sipahi hain zi-bas bandhe hue talwar sote hain
tumhaara sote sote chaunk paDna khab gaya dil mein
ki aksar KHud-baKHud ho ho ke hum bedar sote hain
ilahi hum ko hai kis ka KHayal-e-KHwab-o-be-dari
jo lakhon haar uThte hain hazaron yar sote hain
nigah-e-mast-e-saqi mein hai kya dara-e-be-hoshi
ki saghar lag raha hai munh se aur mai-KHwar sote hain
na kar waswas dil mein chal wahan 'maruf' be-khaTke
ki darban unghta hai aur chaukidar sote hain
Ghazal
Na hum mahw-e-KHayal abru-e-KHam-dar sote hain
Maroof Dehlvi