mutmain ho ke marne ka saman kar
zindagi ai KHuda mujh pe aasan kar
sirf rasmi taaruf hi kafi nahin
mere nazdik aa meri pahchan kar
rasm hai sajda-rezi to kuchh bhi nahin
qalb ko pahle apne musalman kar
abr ki oT mein chand kab ka chhupa
ab na chehre pe zulfen pareshan kar
maut to aaegi be-talab aaegi
zindagi hai to jine ka arman kar
us se mil kar main kahta to kaise 'shakil'
mujh ko ghar apne ek rose mehman kar
Ghazal
Mutmain ho ke marne ka saman kar
athar shakeel