muddai us se suKHan-saz ba-salusi hai
phir tamanna ko yahan muzhda-e-mayusi hai
meri hi tarah jigar KHun hai tera muddat se
ai hina kis ki tujhe KHwahish-e-pa-bosi hai
aah ai kasrat-e-dagh-e-gham-e-KHuban ki mudam
safha-e-sina pur-az-jalwa-e-tausi hai
tohmat-e-ishq abas karte hain mujh ko 'minnat'
han ye sach milne ki KHuban se to ek KHu si hai
Ghazal
Muddai us se suKHan-saz ba-salusi hai
Meer Qamruddin Mannat