miTte hue huruf ko paDhne ki KHu kiya karen
satren kuredte hue poren lahu kiya karen
nau-waridan-e-ishq se kah dijiye ki dasht mein
wahshat se qabl ret se ja kar wuzu kiya karen
inji-e-dil mein darj hon aayat-e-nuqrai to phir
hum bhi suKHan ke bab mein kuchh haw-hu kiya karen
mai-KHana-e-azal ko wo do nain phir se la ke do
jo ehtimam-e-KHwahish-e-jam-o-subu kiya karen
Ghazal
MiTte hue huruf ko paDhne ki KHu kiya karen
Nilofar Afzal