maujon ka aks hai KHat-e-jam-e-sharab mein
ya KHun uchhal raha hai rag-e-mahtab mein
wo maut ki kahte hain jis ko sukun sab
wo ain zindagi hai jo hai iztirab mein
dozaKH bhi ek jalwa-e-fidaus-e-husn hai
jo us se be-KHabar hai wahi hai azab mein
us din bhi meri ruh thi mahw-e-nashat-e-did
musa ulajh gae the sawal o jawab mein
main iztirab-e-shauq kahun ya jamal-e-dost
ek barq hai jo kaundh rahi hai naqab mein
Ghazal
Maujon ka aks hai KHat-e-jam-e-sharab mein
Asghar Gondvi