malbe se jo mili hain wo lashen dikhaiye
sahab nawadiraat ki shaklen dikhaiye
hum log be-basar hain magar bad-nazar nahin
ainak utariye hamein aankhen dikhaiye
duniya kama ke so gae jo be-charagh log
un ko mera KHayal hai qabren dikhaiye
jo dekhne se baz nahin aa rahe unhen
mahshar ke din ki aaKHiri qisten dikhaiye
main hun 'falak ghulam-e-ali ya-ali madad
mujh ko mere imam sabilen dikhaiye
Ghazal
Malbe se jo mili hain wo lashen dikhaiye
Iftikhar Falak Kazmi