مہک کردار کی آتی رہی ہے

مہک کردار کی آتی رہی ہے
صداقت پھول برساتی رہی ہے

ستاروں نے کہی تیری کہانی
سہانی شب تجھے گاتی رہی

نظر کس زاویے پہ جا کے ٹھہرے
قیامت ہر ادا ڈھاتی رہی ہے

جہاں اپنا لہو بوتا رہا ہوں
وہ بستی مجھ سے کتراتی رہی ہے

سلگتی چیختی پیاسی زمیں پر
گھٹا گھنگھور بھی چھاتی رہی ہے

جو میرے سامنے ہر دم رہا ہے
اسی کی یاد بھی آتی رہی ہے

حیاتؔ اس سمت سے آتی ہوا بھی
پیام زندگی لاتی رہی ہے