log laDte rahe nam aae talab-garon mein
hum ki chup-chap khaDe the tere bimaron mein
zulm ke hum hain muKHalif magar ek din ke liye
shor har roz naya uThta hai aKHbaron mein
aaj-kal shikwa-e-napaid hai jis ghairat ka
KHub bikti hai mere shahr ke bazaron mein
faKHr kya kam hai ki nilami-e-yusuf mein 'naim'
tahi-daman the magar the to KHaridaron mein
Ghazal
Log laDte rahe nam aae talab-garon mein
Naeem Zarrar Ahmad