lagaun hath tujhe ye KHayal-e-KHam hai kya
tera badan koi shamshir-e-be-niyam hai kya
meri jagah koi aaina rakh liya hota
na jaane tere tamashe mein mera kaam hai kya
asir-e-KHak mujhe kar ke tu nihaal sahi
nigah Dal ke to dekh zer-e-dam hai kya
ye Dubti hui kya shai hai teri aankhon mein
tere labon pe jo raushan hai us ka nam hai kya
Ghazal
Lagaun hath tujhe ye KHayal-e-KHam hai kya
Zeb Ghauri