kyun ro ro kar nain ganwaen rone se kya hota hai
so ja ai dil tu bhi so ja sara jag hi sota hai
jis se chahen dil ko lagaen duniya wale kyun samjhaen
itni baat to sab hi jaanen pit kiye dukh hota hai
main aur tu mein bhed nahin kuchh wahid jama barabar hain sab
sare dhage us se phuTen sab se baDa jo hota hai
nai chandariya phaTi gaDariya sab dhobi ke ghaT pe jae
sab ke mail ko ek pani se dhone wala hota hai
Ghazal
Kyun ro ro kar nain ganwaen rone se kya hota hai
Khalilur Rahman Azmi