kya kya na tere sadme se baad-e-KHizan gira
gul barg sarw faKHta ka aashiyan gira
likhne lagi qaza jo hamari fatadgi
sau bar hath se qalam-e-do-zaban gira
jab pahunche hum kinara-e-maqsud ke qarib
tab naKHuda jahan se uTha baadban gira
mubaf-e-surKH choTi se kya un ki khul paDa
ek saiqa sa dil pe mere na-gahan gira
ta aasman pahunch ke hui aah sar-nigun
ya rab ho KHair fauj-e-alam ka nishan gira
uTh kar chala jo pas se un ke to ghar talak
har har qadam pe zof se main na-tawan gira
dekha jo dasht-e-najd mein haal-e-tabah-e-qais
mahmil se laila kud paDi sar-ban gira
dozaKH pe kyun na ho dil-e-'bimar' tana-zan
aatish se ishq ki hai patinga yahan gira
Ghazal
Kya kya na tere sadme se baad-e-KHizan gira
Sheikh Bimar Ali Bakhsh