kya bharosa hai unhen chhoD ke lachaar na ja
bin tere mar hi na jaen tere bimar na ja
mujh ko roka tha sabhi ne ki tere kuche mein
jo bhi jata hai wo hota hai giraftar na ja
naKHuda se bhi marasim nahin achchhe tere
aur TuTe hue kashti ke bhi patwar na ja
jalte sahra ka safar hai ye mohabbat jis mein
koi baadal na kahin saya-e-ashjar na ja
bin hamare na tere naz uThaega koi
soch le chhoD ke hum aise parastar na ja
Ghazal
Kya bharosa hai unhen chhoD ke lachaar na ja
Syed Sagheer Safi