kya barabar ka mohabbat mein asar hota hai
dil idhar hota hai zalim na udhar hota hai
hum ne kya kuchh na kiya dida-e-dil ki KHatir
log kahte hain duaon mein asar hota hai
dil to yun dil se milaya ki na rakkha mera
ab nazar ke liye kya hukm-e-nazar hota hai
main gunahgar-e-junun main ne ye mana lekin
kuchh udhar se bhi taqaza-e-nazar hota hai
kaun dekhe use betab-e-mohabbat ai dil
tu wo nale hi na kar jin mein asar hota hai
Ghazal
Kya barabar ka mohabbat mein asar hota hai
Jigar Moradabadi