kuchh is ada se wo mere dil-o-nazar mein raha
ba-qaid-e-hosh bhi main aalam-e-digar mein raha
KHud apni zat pe mujh ko bhi iKHtiyar na tha
tamam-umr main ek halqa-e-asar mein raha
wo ishq jis ki zamane ko bhi KHabar na rahi
tere bichhaDne se ruswa nagar nagar mein raha
rah-e-hayat mein teri rifaqaten na sahi
tera KHayal to har-dam mujhe safar mein raha
gham-e-zamana ne kis ko mafar hai ai 'nadir'
sukun-e-qalb kahan ab kisi hunar mein raha
Ghazal
Kuchh is ada se wo mere dil-o-nazar mein raha
Athar Nadir