kuchh bhi kar guzarne mein der kitni lagti hai
barf ke pighalne mein der kitni lagti hai
us ne hans ke dekha to muskura diye hum bhi
zat se nikalne mein der kitni lagti hai
hijr ki tamazat se wasl ke alaw tak
laDkiyon ke jalne mein der kitni lagti hai
baat jaisi be-mani baat aur kya hogi
baat ke mukarne mein der kitni lagti hai
zoam kitna karte ho ek charagh par apne
aur hawa ke chalne mein der kitni lagti hai
jab yaqin ki banhon par shak ke panw paD jaen
chuDiyan bikharne mein der kitni lagni hai
Ghazal
Kuchh bhi kar guzarne mein der kitni lagti hai
Noshi Gilani