koi fikr na koi gham hai
mere sath mera hamdam hai
us ke takallum mein hai tarannum
aur tarannum mein sargam hai
aag laga de aag bujha de
wo shoala hai wo shabnam hai
abhi kahan suljhe hain masail
abhi teri zulfon mein KHam hai
log jise kahte hain manzil
wo bhi qaid-e-besh-o-kam hai
mil jae taskin jahan par
'pankaj' wo hi rashk-e-iram hai
Ghazal
Koi fikr na koi gham hai
Pankaj Sarhadi