kisi ranjish ko hawa do ki main zinda hun abhi
mujh ko ehsas dila do ki main zinda hun abhi
mere rukte hi meri sansen bhi ruk jaengi
fasle aur baDha do ki main zinda hun abhi
zahr pine ki to aadat thi zamane walo
ab koi aur dawa do ki main zinda hun abhi
chalti rahon mein yunhi aankh lagi hai 'fakir'
bhiD logon ki haTa do ki main zinda hun abhi
Ghazal
Kisi ranjish ko hawa do ki main zinda hun abhi
Sudarshan Faakhir