kisi ke hath mein jam-e-sharab aaya hai
ki mahtab tah-e-aftab aaya hai
nigah-e-shauq mubarak nashat-e-gul-chini
ruKH-e-nigar pe rang-e-itab aaya hai
saza-e-zohd shab-e-mahtab kya kam thi
ki roz-e-abr bhi ban ke azab aaya hai
ziya-e-husn o farogh-e-haya ki aamezish
shafaq ki god mein ya aaftab aaya hai
teri nigah ki halki si ek jumbish se
jahan-e-shauq mein kya inqalab aaya hai
Ghazal
Kisi ke hath mein jam-e-sharab aaya hai
Taban Ghulam Rabbani