karb mein pyar ke naghmat sunain kaise
gham haqiqat se haqiqat ko chhupaen kaise
lab-o-ariz ke taqazon ko bhala kar yaro
dur aa pahunche hain ab lauT ke jaen kaise
an-ginat jam piye zillat-o-ruswai ke
zindagi aur tere naz uThaen kaise
dil jo dukhta hai 'ziya' aankh bhi bhar aati hai
log fitrat ke taqazon ko chhupaen kaise
Ghazal
Karb mein pyar ke naghmat sunain kaise
Bakhtiyar Ziya