kar sake dafn na us kuche mein ahbab mujhe
KHak mein dil ki kudurat ne diya dab mujhe
hijr mein pas na hai zahr na KHanjar afsos
na diye maut ke bhi charKH ne asbab mujhe
qasid aaya hai wahan se to zara tham ai hosh
baat to karne de us se dil-e-betab mujhe
nam-e-taskin' pe ye mazmun-e-tapish na-zeba
tha taKHallus jo saza-war to betab mujhe
Ghazal
Kar sake dafn na us kuche mein ahbab mujhe
Taskeen Dehlavi