kanwal jo wo kanar-e-abju na ho
kisi bhi apsara se guftugu na ho
qaza hua hai ek jism-e-be-tarah
kahin hamari aankh be-wazu na ho
hatheliyon mein bhar ke baat to karen
charagh ko mukalme ki KHu na ho
damak raha hai kesari hijab se
is aaine mein koi hu-ba-hu na ho
main kya karunga rah ke is jahan mein
jahan pe ek KHwab ki numu na ho
Ghazal
Kanwal jo wo kanar-e-abju na ho
Aamir Suhail