Kahte hain nala-e-hazin sun ke

kahte hain nala-e-hazin sun ke
sau dil-gudaz hain dhun ke

sar agar kaTna hai chun chun ke
aastin chaDhao chun chun ke

sham-o-parwana shab ko the dil-soz
rah gae subh tak wo jal-bhun ke

ghun laga maut ka jo aaza mein
ustuKHwan KHak ho gae ghun ke

main wo nalan hun jis ke ham-saya
koste hain fughan meri sun ke

kaT saka koh-e-gham na aaKHir-kar
kohkan sar ko rah gaya dhun ke

nam-awar jo 'mir' the ai 'shad'
ab hamin ek nishan hain un ke