kahin giraft nahin koi istiara nahin
nawan falak hun ki jis par koi sitara nahin
ruke munDer pe kab tairan-e-rang sada
sabaat ho jise aisa koi nazara nahin
ulajh raha hai mera baKHt phir mere dil se
hamara kaise hai wo shaKHs jo hamara nahin
dara-e-sarhad-e-aql-o-KHirad agar hai KHala
to ye na samjhen ki is bahr ka kinara nahin
hum ahl-e-dil the so ye hadisa to hona tha
ki ahd wo bhi saha hai jise guzara nahin
Ghazal
Kahin giraft nahin koi istiara nahin
Narjis Afroz Zaidi