kabutar jis taraf se aa raha hai
udhar tiron ka lashkar ja raha hai
badan kirnon ka mela ho na jae
faza mein wo dhuan phaila raha hai
hamare kal ko mahkana hai us ne
magar wo phul to murjha raha hai
ye meri lash ko sahil pe rakh kar
samundar kis taraf ko ja raha hai
main kho jata kahin zulmat mein lekin
mujhe rasta koi dikhla raha hai
nahin pichhe bhi muD ke main ne dekha
ye mera jism kyun pathra raha hai
koi zina to panw mein hai 'KHawar'
jo is tezi se upar ja raha hai
Ghazal
Kabutar jis taraf se aa raha hai
Khaqan Khavar