kabhu hum se bhi wafa kijiyega
ya yahi jaur-o-jafa kijiyega
dekhen dushnam kahan tak doge
dam mein sau bar dua kijiyega
nazar aata hai girah zulf se khol
har taraf fitna bapa kijiyega
jaan-o-dil se bhi guzar jaenge
agar aisa hi KHafa kijiyega
ki hai bande ke liye ye be-dad
rahm Tuk bahr-e-KHuda kijiyega
ishq ke sadqe uThata tha dil
ab to wo bhi nahin kya kijiyega
ab to Tuk mera kaha kijiye phir
chahiyega so kaha kijiyega
go use ahl-e-wafa se hai KHilaf
ab 'asar' tu bhi wafa kijiyega
Ghazal
Kabhu humse bhi wafa kijiyega
Meer Asar