jo dil ne kahi lab pe kahan aai hai dekho
ab mahfil yaran mein bhi tanhai hai dekho
phulon se hawa bhi kabhi ghabrai hai dekho
ghunchon se bhi shabnam kabhi katrai hai dekho
ab zauq-e-talab wajh-e-junun Thahar gaya hai
aur arz-e-wafa bais-e-ruswai hai dekho
gham apne hi ashkon ka KHarida hua hai
dil apni hi haalat ka tamashai hai dekho
Ghazal
Jo dil ne kahi lab pe kahan aai hai dekho
Zehra Nigaah