jis ko hasti o adam jaante hain
hai wo kuchh aur hi hum jate hain
kucha-e-jumb se mulhaq hai shaiKH
hum jise rah-e-haram jaante hain
juzw o kul ek hai jun qatra-e-bahr
bahut is ramz ko kam jaante hain
shahid-e-KHub o makan-e-dilchasp
hum yahi hur o iram jaante hain
kah na mat kha mere sar ki saugand
hum to ek ye hi qasam jaante hain
kahte ho aaunga main ek dam mein
aise hum saikaDon dam jaante hain
dil jo tabe na ho apne 'qaem'
hum use chhati pe jam jaante hain
Ghazal
Jis ko hasti o adam jaante hain
Qayem Chandpuri