jab main us ke ganw se bahar nikla tha
har raste ne mera rasta roka tha
mujh ko yaad hai jab us ghar mein aag lagi
upar se baadal ka TukDa guzra tha
sham hui aur suraj ne ek hichki li
bas phir kya tha koson tak sannaTa tha
main ne apne sare aansu baKHsh diye
bachche ne to ek hi paisa manga tha
shahr mein aa kar paDhne wale bhul gae
kis ki man ne kitna zewar becha tha
Ghazal
Jab main uske ganw se bahar nikla tha
Aslam Kolsarii