عشق میں آ کہ عقل کوں کھوناں
باخرد ہو کے بے خرد ہوناں
فرش مخمل سیں مجھ کوں بہتر ہے
غم کے کانٹوں کی سیج پر سوناں
ابر رحمت ہے بیج وحدت کا
کنج مخفی کے کھیت میں بوناں
خندۂ گل ہے گریۂ شبنم
ہے ہنسی یار کی مرا روناں
روپ درسن دکھا اے سیمیں تن
نہیں تو جاتا ہے ہات سیں سوناں
گرد غم سیں جو دل ہوا میلا
اپنے آنسو کے آب سیں دھوناں
شوخ جادو ادا نے مجھ پہ سراجؔ
گردش چشم سوں کیا ٹوناں
غزل
عشق میں آ کہ عقل کوں کھوناں
سراج اورنگ آبادی