ishq mein aa ki aql kun khonan
ba-KHirad ho ke be-KHirad honan
farsh-e-maKHmal sin mujh kun behtar hai
gham ke kanTon ki sej par sonan
abr-e-rahmat hai bij wahdat ka
kunj-e-maKHfi ke khet mein bonan
KHanda-e-gul hai girya-e-shabnam
hai hansi yar ki mera ronan
rup darsan dikha ai simin-tan
nahin to jata hai hat sen sonan
gard-e-gham sin jo dil hua mela
apne aansu ke aab sin dhonan
shoKH jadu-ada ne mujh pe 'siraj'
gardish-e-chashm sun kiya Tonan
Ghazal
Ishq mein aa ki aql kun khonan
Siraj Aurangabadi