عشق آ ہم سوں کیا جب رام رام
ہم کسی حاجی کو نہیں کرتے سلام
مجلس رنداں میں زاہد نہیں سنا
ہے سبق اول وہاں کا جام جام
گر خلاصی حشر کی منگتا ہے تو
رندگی کے پی مے گلفام فام
پوچھتا ہے کیا ہمارے رمز کو
بے سمجھ بے عشق زاہد خام خام
گر دکھا دیں یار کے کاکل کا تار
صبح کو عالم کہے گا شام شام
عاشقی کے محکمے میں ہیں نکات
جان و تن اور عقل و دل سب دام دام
اے علیمؔ اللہ زاہد کو لتاڑ
فاضلاں میں خوش مچایا دھوم دھام
غزل
عشق آ ہم سوں کیا جب رام رام
علیم اللہ