iqra ki saughat ki surat aa
honTon par aayat ki surat aa
sukh chale hain aangan ke paude
be-mausam barsat ki surat aa
shaKH-e-yaqin ki be-samari aur main
bar-awar shubhat ki surat aa
main parwarda tira-baKHti ka
mere ghar to raat ki surat aa
main apni tahdid mein hun mashghul
aa tausi-e-zat ki surat aa
fikr ke tira-KHane raushan kar
lau dete jazbaat ki surat aa
ras aae mujh ko ujiyale kab
mubham imkanat ki surat aa
Ghazal
Iqra ki saughat ki surat aa
Faza Ibn e Faizi