hujum-e-gham se masarrat kashid karte hain
ki hum to zahar se amrit kashid karte hain
unhon ne pal rakhe hain zamane-bhar ke gham
mere lahu se jo ishrat kashid karte hain
hamari fikr abhi qaid hai zawahir mein
hum apne kaam se shohrat kashid karte hain
sadaen hum ne suni hain jo shahr mein un se
ek ek lafz baghawat kashid karte hain
main un ko dekh ke hairat mein gharq hun 'asi'
wo mere haal se ibrat kashid karte hain
Ghazal
Hujum-e-gham se masarrat kashid karte hain
Mohammad Yaqoob Aasi