hua karega har ek lafz mushk-bar apna
abhi sukun se kiye jao intizar apna
uTha liya hai halaf garche jaan-nisari ka
mujhe sambhaal ki hota hun bar bar apna
udas aankh ko hai intizar fasl-e-murad
kabhi to mausam-e-jaan hoga sazgar apna
tumhaare dar se uThae gae malal nahin
wahan to chhoD ke aae hain hum ghubar apna
bahut buland hui jati hai ana ki fasil
so hum bhi tang kiye jate hain hisar apna
har ek charagh ko hai dushmani hawa ke sath
bechaari le ke kahan jae intishaar apna
Ghazal
Hua karega har ek lafz mushk-bar apna
Ghalib Ayaz