hua hai ishq taza ibtidai aah hoti hai
mubarak tifl-e-dil ki aaj bismillah hoti hai
mila jab dirham-e-dagh-e-junun ghabra ke dil bola
yahi kya ishq ki sarkar mein tanKHwah hoti hai
bayan karta nahin dil wasf us ru-e-muKHattat ka
KHuda ke ghar mein tafsir-e-kalamullah hoti hai
farogh apna siwa hota hai zulm-e-charKH-e-gardan se
jo dil jalta hai raushan aur sham-e-ah hoti hai
Ghazal
Hua hai ishq taza ibtidai aah hoti hai
Khwaja Mohammad Vazeer Lakhnavi